husn ko be-hijaab honaa thaa

[babu]

husn ko be-hijaab honaa thaa
shauq ko kaamayaab honaa thaa

hijr me.n kaif-e-iztaraab na puuchh
Khuun-e-dil bhii sharaab honaa thaa

tere jalvo.n me.n ghir gayaa aaKhir
zarre ko aafataab honaa thaa

kuchh tumhaarii nigaah kaafir thii
kuchh mujhe bhii Kharaab honaa thaa

raat taaro.n kaa TuuTanaa bhii 'Majaz'
baa_is-e-iztaraab honaa thaa

[theperfectstorm]

Lhriye acha hai jee

[babu]

thxxxxxxxxxxx